Hainbat denbora beranduago “Barrura Begiratzeko Leihoak” izango zenaz serioski pentsatzen hasi ginen lehen aldia, 2010eko irailean izan zela uste dut. Donostiako Zinemaldiko egunak ziren, eta Txaber Larreategi eta biok, bi filma aurkezten genituen bertan; “Sagarren denbora” eta “Prohibido recordar”. Gogoan daukat, madrildar kazetari batek gure hurrengo proiektua zein izango zen galdetu zigunean, “Una de presos” erantzun geniola guk. “Baina ez Gerra zibileko presoak”, puntualizatu zuen Txaberrek. “Oraingo presoak baizik”.

Ordutik, bi urte luze eta mila gauza ezberdin gertatu dira. Proiektu lauso hura, bost zuzendariren arteko filma kolektibo bihurtu da eta hainbat emozioz, mehatxuz, esperantzaz, desengainuz, beldurrez, deskubrimentuz eta batez ere, ikaskuntzaz betetako bidea egin dugu.

Gaur, inbentarioa egiteko ordua da. Estreinalditik kasik lau hilabete pasata, “Zinez”-ek proiektua bukatutzat eman du. Heldu ohi da momentu bat non filmek, -haurrek bezala- jadanik ez duten gurasoen eskutik joan beharrik, oinez ibiltzeko. “Barrura Begiratzeko Leihoak”-i iritsi zaio, beraz, emantzipatzeko ordua. Eta guri, prozesuaren balorazio bat egitekoa.

Datuei begira, edonork esango luke filma arrakastatsua izan dela. Kuantitatiboki, bederen. Urriaren bukaeran estreinatu zenetik, 15.000 ikusle baino gehiago izan ditu Euskal Herriko zinema komertzial, kultur etxe, unibertsitate, eta sala alternatiboetako emanaldiak kontatuz. Kritikak ere ez gaitu gaizki tratatu. Kasu gehienetan, positiboak izan dira, eta hala izan ez den kasuetan ere, elementu konstruktiboak ukan izan dituzte beti filmarekiko.

Baina dena ez da neurtzen “kuantitatiboki”. Elementu “kualitatiboak” ere kontatzen du. Eta alde horretatik, neure ustez, frakasatu egin dugu.

2010ko irailean proiektua madrildar kazetari hari azaldu genionean, geure buruari markatzen genion lehen helburua zen, filma edozein sentsibilitate politikotako jendeak ikustea; komentzituak baigeunden, termino humanoetan mintzatuz, askok, komunikabide dominanteetan agertzen ez ziren istorioak deskubrituko zituztela. Eta horrek, berraskidetze eta elkarbizitza prozesuan lagun zezakeela.

Zoritxarrez, ez da hala gertatu. Ez dugu lortu presoen gaia oraindik tabu sozial bihurtzen duen inkomunikazio harresia pitzatzea. Dudarik gabe, horretan, zerikusi handia izan du Espainiako Gobernuaren ordezkaritzak, Barne Ministroak eta zenbait komunikabidek filma estreinatu aurretik haren kontra altxatu zuten zentsura kanpaina bortitzak. Batetik, zabaldu zuen beldur-klimaren ondorioz, Euskal Herriko hainbat instituzio eta agentek filmaren kontrako boikot aktibo edo eta pasibo batean parte hartu zutelako. Eta bestetik, filma “terrorismoaren gorazarre” hutsa zela errepikatzearen ondorioz, guk bilatzen genituen sentsibilitate ezberdineko ikusle potentzial horiek, aretoetatik urrundu zituelako.

Baina ez litzateke zintzoa, norbere helburua ez betetzearen ardura osoa besteri egoztea. Seguraski, auto-kritikarako tartea ere zabaldu beharko dugu. Oso posible da, filmak gauza zenbaitetan asmatu ez izana. Akaso forman. Akaso denboran.

Nolanahi dela, gure intentzioa argia eta sinzeroa zen: Zinematik, sorkuntza artistikotik, errelato komunari ekarpen bat egitea. Eta nire ustez, denborararekin, hori geldituko da. Izan ere, hutsegite zein asmatze, bertoko errealitatean ainguratuta, eztabaida piztuko duen kultura batean sinesten segitzen dut nik. Eta errepresentatzen dituen ahotsen oihartzunak proiektatuko dituen zinema batean.

Inbentario hau bukatzera noa. Lehenago esan dut filmak haurrak legez direla; denborarekin, bakarrik ikasten dutela hegan. Bada, niri gustatuko litzaidake, “Barrura Begiratzeko Leihoak” ardo ona legez ere bihurtzea. Denborarekin, zapore goxoagoa izatea. Denentzat.

Zalantzarik gabe, seinale bikaina litzateke hori.

Hala ere BARRURA BEGIRATZEKO LEIHOAK ez da oraindik bukatu. Aurrerantzean pelikularen zabalkundea beste modu eta moldeetan egiteko asmoa  dago, bere ibilbidea egiten jarraitu dezan;  ekimen berezietan parte hartuz edo norberak  bere eremu propioetan eta ikusi ez dutenei zabalduz egitera animatzen dugu. Erosteko aukera ere izango da Elkar Megadendetan, baina bereziki  Zinezez ondorengo ahalegina Euskal Herriko mugak gaindituz, beste eremu batzuetara jausi egin eta nazioartean erakustea izango da, lehen erakustaldia Otsailaren 23an Bartzelonan egingo delarik.

Zinezek esku artean izan duen  lehen proiektu hau ez zen egi bihurtuko modu batera edo bestera jendearengandik jasotako, modu bateko zein besteko, laguntza eta inplikazioagatik izan ez balitz beraz, ez genuke agurtu nahi zuei, guztioi, gure eskerrik zintzoenak eman gabe. Zuen ekarpen ekonomikorik gabe, eta bereziki zuen babesik gabe, ezingo genukeen inolaz aurrera egin.

Bi urte luze joan dira Josu Martinezek filma egitearen burutazioa azaldu zigunetik. Asmoa beharrezkoa eta interesantea iruditu zitzaigun gaia eta plantemendu artistikoaren aldetik. Ordutik, Zinezeko lan-taldea, asmo hori behar lekura eramaten ahalegindu da. Baina ez da beti guk uste eta espero bezala izan, ez da beti eta denen aldetik  ondo hartua izan, errespetoz jasoa izan, badira oraindik preso politikoak eta bere senidek bizi duten errealitatea kontatzea (pelikula batean bada ere) letra handiz, zentsurarik gabe, oztoporik gabe onartzen ez dutenak, “normalizazio” bidean egon bagaude ere asko eta handiak dira oztopoak. Zentzu horretan BARRURA BEGIRATZEKO LEIHOAKek jasotako erasoak gogorrak eta justifikatu ezinak izan dira, bereziki pelikula  erakutsi aurretik.

Ondoren, pelikulak hitzegin duenean kritika onak baino ez ditu jaso. Kosta hala kosta  herri honetan jende askok bizi eta ziprizten duen arazo larri bat pantalla handira eramateko gai izan gara, zentzu honetan urrats handia eta  garrantzitsua izan dela uste dugu.

Ikuskako azken ataleko aipu hau gure eginez bukatu nahi genuke: “Zinema euskaraz izan dadila, guk emango geniekeen lekukoa “Barrura Begiratzeko Leihoak“en etapa amaitu eta beste lan berri batzuei ekiterakoan”, beste hau erantsita:  ”…euskaraz eta aukeratzen den gaiaz aritzeko askatasuna”.

Izango dugu elkarren berri.

ZINEZ

“Barrura Begiratzeko Leihoak” filmarekin Euskal Herriko ehundik gora herritan egindako bira amaitzear dagoen honetan, gaurtik aurrera beste bide bat eskaini nahi dizuegu pelikula ikusi ahal izateko.

www.filmin.es webgunean, filma alokatzeko aukera duzue 1’95 euroren truke.

Pantaila handia nahiago duzuenontzat, gogoan izateko bi aukera: urtarrilaren 22an Zornotza aretoan egongo gara 20:00etan, eta urtarrilaren 26an berriz, Oreretan.

Lehendabizi mila esker, oztopo guztien gainetik “Barrura Begiratzeko Leihoak” ikusleengana helarazten lagundu diguzuelako. Ehundik gora izan dira, beste hainbeste herri eta auzotan, zuei denoi esker, bi hilabete hauetan antolaturiko emanaldiak. Esker mila.

Aurkezpen emanaldiak bukatu direnez gero 678 483 772 zenbakia zerbitzuz kanpo geratuko da gaur bertan, baina edozer nahi izanez gero 658751080 zenbakira deituta aurkituko gaituzue.

Aipatutako aurkezpen emanaldien azken apurrak zeintzuk izango diren, momentuz behintzat, hementxe:

URTARRILAK 10

Adunako Kultur Aretoan 20:00etan

Lasarteko Manuel Lekuona aretoan 21:30etan

URTARRILAK 13

Lasarteko Manuel Lekuona aretoan 19:30etan

URTARRILAK 22

Zornotzako Zornotza aretoan 20:00etan

URTARRILAK 26

Oreretan

Ez galdu filma pantaila handian ikusteko azken aukerak!

Con el año nuevo, en breve se podrá descargar o ver en linea en la plataforma FILMIN; la plataforma digital en castellano más grande del mundo.

Por otra parte, y si todo va bien, más adelante también estará disponible en una nueva plataforma vasca, junto con otra media docena de largometrajes del país.

Por tanto, en breve, “VENTANAS AL INTERIOR” estará disponible en la red. Si no la habeis visto aún, ¡no perdais la oportunidad

Urte berriarekin, FILMIN plataforman ikusi ahalko da; gaztelaniazko munduko plataforma digital handienean; deskargatzeko edo eta sarean bertan ikusteko aukera izango delarik.

Aurrerago ostera, dena ondo badoa behintzat, dozena erdi bat euskal filma bilduko dituen “euskal plataforma” batean ikusi ahal izango da.

Laster, beraz, “BARRURA BEGIRATZEKO LEIHOAK”, interneten ikusgai.

Interesatua izan daiteken edonori, zabaldu informazioa!

ABENDUAK 26

Debako Agirre Jauregiko ispiluen gelan 19:30etan

Gernikako Lizeo antzokian 20:30etan

ABENDUAK 27

Asteasuko Udaletxeko aretoan 19:00etan

Sopelanako Kultur Etxean 19:30etan

ABENDUAK 28

Amezketako Kultur Etxean 19:00etan

Donapaleuko Gaztetxean 20:30etan

Abadiñoko Errota Kultur Etxean 18:30etan

Etxebarriko Kultur Etxean 18:00etan

Altsasuko Lortia Kultur gunean 22:10etan

Igorreko Lasarte aretoan 20:00etan

Anoetako Mikelasagasti aretoan 22:00etan

Berrobiko Etxolan 19:30etan

ABENDUAK 29

Usurbilgo Sutegi aretoan 18:00etan

Legorretako Zineman 18:00etan

Harpidedun edo berrialagun bazara, http://berria.info/promoak/leihoak/ helbidean sartu, harpidetza@berria.info posta elektronikora idatzi, edo deitu 943 30 43 45 telefonora, eskaria egin, eta etxean jasoko duzu.
Dagoeneko 200 ale saldu ditugu BERRIAko harpidedun eta laguntzaileen
artean. Ez galdu zure aukera!

Erosteaz gain, filma aretoetan ikusteko aukera ere baduzu oraindik. Hemen, aste honetako hitzorduak:

ABENDUAK 20

Trapagako Olzo Jauregian 19:00etan

Elgoibarko Herriko antzokian 21:30etan

ABENDUAK 22

Zizurkileko balioanitzeko gelan 22:00etan

ABENDUAK 23

Getariako Zine Aretoan 19:00etan

Asteburu honetan, erraz gaindituko den zifra izango da, izan ere, gaurtik hasi eta igandera bitarte 22 emanaldi eskainiko ditugu 16 herri ezberdinetan.

Hemen duzue plangintza:

ABENDUAK 13

Zallako Zine Antzokian 20:00etan

Pasai San Pedron 19:30etan

Aretxabaletako Zaraia Zineman 19:30etan

Hernaniko Biteri Kultur Etxean 19:30etan

ABENDUAK 14

Erromoko Kultur Etxean 19:30etan

Laudioko Heziketa Eskolako aretoan 19:30etan

Antzuolako Torresoro erabilera anitzeko gelan 20:00etan

Aretxabaletako Zaraia Zineman 19:30etan

Hernaniko Biteri Kultur Etxean 20:30etan

Ikaztegietako Erabilera Anitzeko Aretoan 22:00etan

Mutrikuko Zabiel Kultur Etxean 22:15etan

Hazparneko Lizeoan 21:00etan

ABENDUAK 15

Elduaieneko Kultur Etxean 19:00etan

Trintxerpeko Alkateordetza Aretoan 19:30etan

Bermeoko Nestor Basterretxea Aretoan 19:00etan

Aretxabaletako Zaraia Zineman 19:30etan

ABENDUAK 16

Bermeoko Nestor Basterretxea Aretoan 19:00etan eta 21:30etan

Aramaioko Kultur Etxean 18:30etan

Bergarako Zabalotegi aretoan 17:00etan eta 19:30etan

Durangoko Plateruena Kafe Antzokian 20:00etan

Eta 9.000 ikusleak gaindituta ditugu!!!

Donostiako Trueba aretoan (Secundino Esnaola 2), 19:45etan, gure filma ikusteko aukera duzu behintzat, ostegun honetara arte.

Baina bada, bihartik hasi eta igandera bitarte, pelikula ikusi ahal izateko beste hainbat aukera. Hemen duzu aste honetako emanaldien zerrenda:

ABENDUAK 4

Oñatiko Zineman 19:30etan

ABENDUAK 5

Oñatiko Zineman 19:30etan eta 22:30etan

Trintxerpeko Alkateordetza aretoan 19:30etan

ABENDUAK 8

Astigarragako Kultur etxean 18:00etan

ABENDUAK 9

Donibane Garaziko Le Vauban zine gelan 18:00etan JOSU MARTINEZ zuzendaria egongo da bertan.

Gainera, gogoratu aste honetan Durangoko Azokan egongo garela DVDak saltzen, GITE-IPESekin elkarbanatuko dugun stand-ean.